புவி மேற்பரப்பு - பாறை

பாறை

•    பாறை என்பது கனிமங்கள் சேர்க்கையினால் இயற்கையாக உருவாவது ஆகும். பாறைகள், அவற்றில் அடங்கியுள்ள கனிமங்கள், வேதியியல் சேர்க்கை, பரப்புத் தோற்றம்  மற்றும் அவை உருவாகும் முறை என்பவற்றின் அடிப்படையில் வகைப்படுத்தப்படுகின்றன. 

•    பாறைகள் பொதுவாக மூன்று பெரும் பிரிவுகளாகப் பிரிக்கப்படுகின்றன.
அவை.
1. தீப்பாறைகள்
2. படிவுப் பாறைகள்
3. உருமாறிய பாறைகள் என்பனவாகும்.

1. தீப்பாறைகள்: (Lgneous Rocks)
•    உருகிய கற்குழம்பிலிருந்து உருவாகின்றன. இவை பாதாளப் பாறை, எரிமலைப்பாறை என இரண்டு பிரிவுகளாக அமைகின்றன. 

•    பூமியின் மையப் பகுதியிலிருந்து உருகிய கற்குழம்பு மேல் நோக்கித் தள்ளப்பட்டு, பூமியின் மேலோட்டுப் பகுதியிலுள்ள இடைவெளிகளில் தங்கி அங்கேயே மெதுவாகக் குளிர்ந்து படிவமாகும் போது பாதாளப் பாறைகள் உருவாகின்றன.
•    எரிமலைப் பாறைகள், புவி மேற்பரப்பை அடையும் எரிமலைக் குழம்புகளில் இருந்து உருவாகின்றன.
 

2. படிவுப்பாறைகள்: (Sedimentary Rocks)
•    காற்று, வெப்பநிலை, நீர் மற்றும் பனிகட்டி போன்றவற்றால் பாறைகள் சிதைக்கப்படுகின்றன. சிதைந்தப் பொருள்கள் ஆற்றுநீரில் கலந்து விடுகிறது. ஆறு, அப்பொருள்களை அதன் கரைகளை ஒட்டிப்பரப்புகிறது.
•    மேலும் ஏரிகளையும், கடல்களையும் சென்றடைகிற ஆறு, அதன் முகத்துவாரத்திலும் படிய வைக்கிறது. இவ்வாறு ஏதாவது ஓரிடத்தில் நிலைபெறுகிற பொருள்களே, படிவுகள் என அழைக்கப்படுகின்றன.
•    படிவுகள் மிருதுவாகவும் தளர்வாகவும் இருக்கின்றன. இப்படிவுகள் ஒன்றன்மேல் ஒன்றாக அடுக்குகளை போல படிய வைக்கப்படுகின்றன. மேலடுக்கின் சுமையினால் கீழடுக்கிலுள்ள பொருள்கள் அழுத்தப்படும் இதனால் மிருதுவான படிவுகள் திடமானதாக மாறுகிறது. இவ்வாறு மாறிய படிவுகளே கடைசியாகப் படிவுப்பாறையாக உருபெறுகிறது.

•    படிவுப்பாறைகளை இரண்டு விதமான அடையாளம் காணலாம்.
 

(அ) தீப்பாறைகள் போன்று பழங்காலத்தில் உருவான பாறை வகையைச் சார்ந்த பொருள்களால் ஆனவை,
 

(ஆ) நீரினால் தர வாரியாக பிரிக்கப்பட்டு, பல வைக்கப்பட்ட பொருள்களை அடுக்குகளாக கொண்டிருப்பவை. இவ்வாறான அடுக்குகளை படுகைகள் (Strata) என அழைக்கலாம்.
•    எனவே படிவுப்பாறைகள் படுகைகளை கொண்டிருப்பவை என கூறப்படுகிறது புவியின் மேலோட்டில் காணப்படும். பாறைகளில் படிவுப்பாறைகள் 5 சதவீதமேயாகும். ஆயினும், நிலப்பரப்புகளில் ஏறத்தாழ 75 சதவீதம் படிவுப்பாறையாக இருக்கிறது.
 

3. உருமாறியப் பாறைகள் (Metamorphic Rocks)
•    அதிக அழுத்தம் மற்றும் அதிக வெப்பம் காரணமாக தீப்பாறைகள் மற்றும் படிவுப்பாறைகள் உருமாற்றம் அடைவதால், உருவாகும் பாறைகள் உருமாறியப்பாறைகள் எனப்படுகிறது.
•    பெரும்பாலும், உருமாறியப்பாறை வகைகளில் பரவலாக காணப்படுவது "நைஸ்" (Gneiss) எனப்படும் பாறையே ஆகும்.