காலநிலையியல் (Climatology)

 காலநிலையியல் (Climatology)

வானிலை:
•    குறிப்பிட்ட இடத்தில் குறிப்பிட்ட நாளில் அங்குள்ள வளிமண்டலத்தில் நிலவும் வெப்பநிலை, காற்றழுத்தம், காற்று வீசும் திசை மற்றும் அதன் வேகம், காற்றின் ஈரப்பதம், மேகமூட்டம், மழைப்பொழிவு ஆகியவற்றின் அளவைக்குறிப்பது அந்த இடத்தின் வானிலை ஆகும்.
 

காலநிலை:
•    ஓரிடத்தில் ஒவ்வொரு நாளும் வளிமண்டத்தில் நிலவும் வெப்பநிலை, காற்றழுத்தம், காற்று வீசும் திசை மற்றும் அதன் வேகம், காற்றின் ஈரப்பதம், மேகமூட்டம், மழைப்பொழிவு ஆகியவற்றை குறைந்தது 35 ஆண்டுகளுக்குப் பதிவு செய்து, அவை ஒவ்வொன்றின் சராசரி அளவைக்கண்டறிந்து குறிப்பிடுவதே அவ்விடத்தின் காலநிலையாகும்.
•    அன்றாட வானிலையின் நீண்டகால சராசரியே காலநிலை எனப்படும்

காற்று
•    காற்று என்பதை பல வாயுக்களை உள்ளடக்கிய ஒரு கலவையாகும். இதில் நைட்ரஜன், ஆக்ஸிஜன், கார்பன்-டை-ஆக்ஸைடு, ஆர்கான், நியான், மீத்தேன், ஓசோன், ஹீலியம், ஹைட்ரஜன் மற்றும் பல வாயுக்கள் அடங்கியுள்ளன.
•    புவியின் மேற்பரப்பிலிருந்து 500 கி.மீ. உயரம் வரை காற்று பரவியுள்ளது. புவியின் மேற்பரப்பைச் சுற்றிப் பரவியுள்ள இந்தக் காற்று படலமே வளிமண்டலம் என அழைக்கப்படுகின்றது.
•    புவியின் ஈர்ப்பு விசையால், காற்று, புவியின்,மேற்பரப்புடன் இணைந்துள்ளது. எனவே புவியுடன் வளி மண்டலமும் இணைந்தே சுற்றி வருகின்றது.
 

வளிமண்டலத்தில் கலந்துள்ள வாயுக்களின் பெயர்களும், அவைகளின் அளவு விகிதங்களும்
வ.எண்     வாயுக்கள்     விகிதம்
1.              நைட்ரஜன்   =  78%
2.              ஆக்ஸிஜன்  =   21%
3.                 ஆர்கான்   =  0.934%
4.    கார்பன்-டை-ஆக்ஸைடு =    0.033%
5.          பிற வாயுக்கள்  =   0.033%

நீராவி:
•    வளிமண்டலத்தில் நீராவி 2 முதல் 3 வரை உள்ளது. நீராவி வளிமண்டலத்தில் புவியின் மேற்பரப்பிலிருந்து 5 கி.மீ பரவியுள்ளது.  

•   வளிமண்டல வெப்பநிலை குறையும் பொழுது, இந்நீராவி குளிர்வடைந்து, சுருங்கி நீர்த்திவலைகளாக மாறுகின்றது. இவை மழைத்துளிகள், பனித்திவலைகள் மற்றும் பனிக்கட்டிகளாக பொழிகின்றது.

தூசுகள்:
•    இவை தாது உப்புக்கள், மகரந்தங்கள், மணல் துகள்கள் மற்றும் சாம்பல் துகள்களை உள்ளடக்கியதாகும்.
•    வளிமண்டலத்தில் உள்ள தூசுக்கள் சூரியனிடமிருந்து பெறும் வெயிலில் 7 சதவீதத்தை சிதறடிக்கின்றது. இத்தூசுக்கள் நீராவியை, மழைத்துளிகளாக மாற்றும் உட்கருவாக திகழ்கின்றது.