காலநிலையியல் (Climatology) - வளிமண்டல அமைப்பு பகுதி 1

வளிமண்டல அமைப்பு பகுதி 1

•    வளிமண்டலத்தில் காற்றின் அளவு ஒரே சீராக பரவிக் காணப்படுவதில்லை. காற்றின் அளவு வளிமண்டலத்தில் உயரே செல்லச்செல்ல குறைகின்றது. 

•    வளிமண்டலத்தில் 50 சதவிகிதம் 5 கி.மீ உயரத்திற்குள்ளும், 80 சதவிகிதம் உள்ள மொத்த காற்றின் அளவில் 16 கி.மீ உயரத்திற்குள்ளும் காணப்படுகிறது.

•  வளிமண்டத்தின் உயரே செல்லச் செல்ல காற்றின் அடர்த்தி குறைகின்றது. எனவே தான் உயரமான மலைப் பகுதிகளுக்குச் செல்லும் பொழுது, காற்றின் அடர்த்தி குறைவு காரணமாக சுவாசிப்பதில் சிரமம் ஏற்படுகின்றது.
•    வளிமண்டலத்தின் வெவ்வேறு உயரங்களில், வெவ்வேறான வெப்பநிலை காணப்படுகின்றது. 

இதன் அடிப்படையில் வளிமண்டலம் 5 அடுக்குளாக பிரிக்கப்பட்டுள்ளது. அவை
1. கீழ் அடுக்கு
2. படுகை அடுக்கு
3. இடை அடுக்கு
4. வெப்ப அடுக்கு
5. வெளிஅடுக்கு.

1. கீழ் அடுக்கு (Troposphere):
•    இவ்வடுக்கு வளிமண்டலத்தின் கீழ் அடுக்கு ஆகும். இவ்வடுக்கு புவியின் மேற்பரப்பிலிருந்து சுமார் 16 கி.மீ வரை பூமத்திய ரேகை பகுதிகளிலும் 8 கி.மீ. வரை துருவப் பகுதிகளிலும் பரவியுள்ளது.

•    வளிமண்டலத்தின் மொத்த காற்றில் 80 சதவிகிதம் இவ்வடுக்கில் பெருமளவில் காணப்படுகின்றன. தூசுக்களும், நீராவியும் இவ்வடுக்கில் பெருமளவில் காணப்படுகின்றன.

•    வானிலை நிகழ்வுகளான இடி, மின்னல், மேகம், புயல் மற்றும் மழை போன்றவை கீழ் அடுக்கில் மட்டுமே நிகழ்கின்றன. எனவே தான் இவ்வடுக்கு வானிலை அடுக்கு எனவும் அழைக்கப்படுகின்றது. இவ்வடுக்கில் தான் காற்று கிடைமட்டமாகவும், செங்குத்தாகவும் நகர்கின்றது.