காலநிலையியல் (Climatology) - காற்றின் வகைகள் பகுதி 2

காலநிலையியல் (Climatology) - காற்றின் வகைகள் பகுதி 2

c. மாறும் காற்றுகள்
•    பருவக்காற்றுகளைப்போல ஒரு குறிப்பிட்ட திசையிலிருந்தோ, ஒரு குறிப்பிட்ட பகுதியிலோ வீசாமல் திசையையும், அதன் இடத்தையும் மாற்றி கொண்டு வீசுவதால் அவை மாறும் காற்றுகள் என அழைக்கப்படுகின்றது. புயல் காற்று மற்றும் எதிர் புயல்காற்று அல்லது மாறிவரும் புயல் காற்று (Anti – Cyclones) ஆகியவை தகுந்த எடுத்துக்காட்டுகள் ஆகும்.
 

1. புயல்காற்று (Cyclone)
•    மிகக் குறைந்த காற்றழுத்தம் கொண்ட மையம் பகுதியை நோக்கி அனைத்து திசைகளிலிருந்தும் காற்று சுழன்று வீசுவது புயல்காற்றாகும். புயல்காற்று அதிக மழையை அளிக்கக்கூடிய தன்மை கொண்டதாகும். அத்துடன் அதிக வேகத்தில் காற்று வீசுவதால், உடைமைகளுக்கும் அதிக சேதத்தை உண்டாக்கும்.
•    புயல்காற்றுகள் உலகின் பல்வேறு பகுதிகளில் வெவ்வேறு பெயர்களைக் கொண்டு அழைக்கப்படுகின்றன. வட அமெரிக்காவிலும், மேற்கு இந்தியத் தீவுகளிலும் ஹிரிக்கேன்ஸ் என்றும், சைனா மற்றும் ஜப்பான் நாடுகளில் டைபூன் என்றும், புயல் என்று இந்தியாவிலும், ஆஸ்திரேலியாவில் வில்லி வில்லி என்றும், அரேபியாவில் சமுனஸ் என்றும் அழைக்கப்படுகின்றது.

2. எதிர் புயல்காற்று(Anti – Cyclones)
•    மிக அதிக காற்றழுத்த மையப் பகுதியிலிருந்து அனைத்து திசைகளையும் நோக்கி காற்று வீசுவது எதிர்புயல் காற்றாகும். எதிர்புயல் காற்று வீசும்போது வானம் மேகமூட்டமின்றி தெளிவாக இருக்கும் மழை பெய்யாது.

d. தலக்காற்று (Local Wind)
•    தலக்காற்றுகள் என்பது ஒரு சிறிய பகுதியில் வீசும் நிலையான காற்றுகளுக்கு மாறான திசையில் வீசும் காற்றுகளாகும். இக்காற்றுகள் அப்பகுதியில் ஏற்படும் அழுத்த வேறுபாட்டால் உருவாகும் காற்றுகளாகும்.
•    காற்று எந்த இடத்திலிருந்து வீசுகின்றதோ அந்த இடம் வெப்பமானதாக இருந்தால் வெப்பக் காற்றாகவும், குளிர்ச்சியாக இருந்தால் குளிர்ந்த காற்றாகவும் வீசும்.

1. வெப்பதலக்காற்று
•    ஃபான்-இக்காற்று வறண்ட வெப்பக்காற்றாகும். இக்காற்று ஆல்ப்ஸ் மலையின் மழை மறைவுச்சரிவுகளில் வீசுகின்றது. இக்காற்றின் வெப்பத்தினால் மலைச்சரிவுகளிலுள்ள பனி உருகிவிடுவதால் புற்கள் வளர்கின்றன. இதனால் இக்காற்று ஆடு மேய்ச்சலுக்கு உதவியாகியுள்ளது.
•    லூ- வட இந்திய சமவெளிப் பகுதிகளில் மே, ஜீன் மாதங்களில் வீசுகின்றது. இக்காற்று 40° -50° வெப்பநிலையைக் கொண்டிருக்கும். இதனால் இப்பகுதியில் உள்ள மக்கள் இக்காற்று வீசும்போது வெப்பத்தாக்குதலுக்கு உள்ளாகின்றனர்.
•    சினூக்- இக்காற்று வட அமெரிக்காவிலுள்ள ராக்கி மலைச்சரிவிலிருந்து பிரெய்ரி புல்வெளிப் பகுதியை நோக்கி வீசுகின்றது. இக்காற்று இப்பகுதியிலுள்ள பனிப்படலங்களை உருவ வைப்பதால் இக்காற்றினை பனிதின்னும் காற்று என்று கனடா நாட்டு மக்கள் அழைப்பர்.
•    சிராக்கோ- சகாரா பாலைவனத்திலிருந்து, வட திசையில் மத்திய தரைக்கடல் வழியாக, இத்தாலியின் தென் பகுதியை நோக்கி வீசுகின்றது. இவ்வறண்ட வெப்பக்காற்றால் இங்குள்ள பயிர்கள் வறண்டு விடுகின்றன. மேலும், தெற்கு இத்தாலியிலுள்ள திராட்சை மற்றும் ஆலிவ் விவசாயத்தோட்டங்கள் அதிகம் பாதிக்கப்படுகின்றன.
 

2. குளிர்தலக்காற்று
•    மிஸ்ட்ரல் : கடுங்குளிரான இக்காற்று 100 கி.மீ. வேகத்தில் ஆல்ப்ஸிலிருந்து, பிரான்ஸிலுள்ள ரோன் பள்ளத்தாக்கு வழியாக மத்திய தரைக்கடலை நோக்கி விசுகிறது. இக்காற்று பயிர்களை சேதப்படுத்துகிறது.

•    போரா: குளிர்ச்சியான வறண்ட இக்காற்று ஐரோப்பாவிலிருந்து யூகோஸ்லோவியா வழியாக மத்திய தரைக்கடலை நோக்கி வீசுகிறது.