காலநிலையியல் (Climatology) - வளிமண்டலத்தின் முக்கியத்துவம்

வளிமண்டலத்தின் முக்கியத்துவம்

•    பகல் நேரங்களில் வளிமண்டலம் ஒரு வடிகட்டியைப்போல் செயல்பட்டு, சூரியனிடமிருந்து வரும் முழு வெப்பமும் புவியை அடையதாவாறு தடுக்கின்றது.
•    இரவு நேரங்களில் வளிமண்டலம் ஒரு போர்வையைப் போல் செயல்பட்டு, பகல் நேரத்தில் பெற்ற வெப்பத்தை முழுவதுமாக இழந்து விடாமல் தடுக்கின்றது.
•    சூரியனிடமிருந்து வரும் புற ஊதாக்கதிர்கள் புவியை வந்தடையாமல் வளிமண்டலத்திலுள்ள ஓசோன் படலம் தடுக்கின்றது.

வளிமண்டலம் வெப்பமடைதல் மற்றும் வெப்பத்தை இழத்தல்
வெப்பக்கடத்தல்
•    புவியின் வெப்பமடையும்போது புவியின் மேற்பரப்பை ஒட்டியுள்ள காற்றின் மூலக்கூறுகள் வெப்பமடைகின்றன. வெப்பமடைந்த காற்றின் மூலக்கூறுகள் அதனை அடுத்துள்ள மற்ற மூலக்கூறுகளுக்கு வெப்பத்தைக் கடத்துகின்றன. கடத்தப்படுவதை வெப்பக்கடத்தல் என்கின்றோம்.
 

வெப்பச்சலனம்
•    புவியின் மேற்பரப்பை ஒட்டியுள்ள காற்று வெப்பமடைவதால் விரிவடைந்து இலேசாகி, உயர செல்கின்றது. அதே சமயம் வளிமண்டலத்தின் உயரே உள்ள குளிர்ந்த, கனமான காற்று கீழ் நோக்கி புவியின் மேற்பரப்பை வந்தடைகின்றது.

•   இக்குளிர்ந்த காற்று வெப்பமடைந்து மீண்டும் உயரே எடுத்து செல்கின்றது. இச்செயல் தொடர்ந்து நடைபெறுவதால் வளிமண்டலம் வெப்பமடைகின்றது. இதனையே வெப்பசலனம் என்கின்றோம்.
 

வெப்பக் கதிர்வீசல்
•    ஒரு பொருளின் வெப்பம் மற்றொரு பொருளுக்கு ஊடகமின்றி (எ.கா. திடம், திரவ, வாயு) பரவுவதை வெப்பக்கதிர் வீசல் என்கின்றோம். சூரியனிடமிருந்து வரும் ஒளிக்கதிர்கள் புவியை வெப்பமடையச் செய்கின்றன. 

•   வெப்பமடைந்த புவி, அந்த வெப்பத்தை நீண்ட அளவு நீளம் கொண்ட வெப்ப அலைகளாக வளிமண்டத்திற்கு அனுப்பி வளிமண்டலத்தை வெப்பமடையச் செய்கின்றது.
 

நீர் ஆவியாதலின் உள்ளுறை வெப்பம்
•    நீர், நிலம், தாவரங்கள் மற்றும் விலங்கினங்களின் உடல்களிலிருந்து நீர் ஆவியாதல் தொடர்ந்து நடைபெற்றுக்கொண்டே இருக்கின்றது. நீர், ஆவியாதல் தொடர்ந்து நடைபெற்றுக் கொண்டே இருக்கின்றது. நீர் ஆவியாக மாற வெப்பச் சக்தி தேவை.

•   நீர் ஆவியாக மாற எடுத்துக்கொண்ட வெப்பச் சக்தி, நீராவிக்குள் மறைந்துள்ளது. நீராவிக்குள் மறைந்துள்ள வெப்பத்தையே "நீராவியின் உள்ளுறை வெப்பம்" என்கின்றோம். 

•    நீராவி காற்றுடன் கலந்து உயரே செல்கின்றது. இவ்வாறு உயரே செல்லும்போது, குளிர்ந்து, சுருங்குகின்றது. சுருங்கிய நீராவி நீர்த்துளிகளாக மாறும்போது உள்ளுறை வெப்பத்தை வெளிவிடுகின்றது. இவ்வாறு வெளிவிடப்பட்ட உள்ளுறை வெப்பத்தால் வளிமண்டலம் வெப்பம் அடைகின்றது.

மேற்கூறப்பட்ட நான்கு காரணங்கள் வளிமண்டலம் வெப்பப்படுத்தப்படுகின்றது. புவியின் மேற்பரப்பில் இருந்து தான், வளிமண்டலம் வெப்பம் அடைகின்றது. அதனால் தான் புவியை ஒட்டியுள்ள காற்று அதிக வெப்பமாகவும், உயரே செல்லச் செல்ல காற்றின் வெப்பநிலை குறைவாகவும் உள்ளது. இதனால் தான் உயரமான இடங்களின் வெப்பநிலை, கடல் மட்டத்தில் உள்ள இடங்களின் வெப்பநிலையை விடக்குறைவாக உள்ளது.