காலநிலையியல் (Climatology) - வெப்பக்கோடு

 வெப்பக்கோடு

ஒரே அளவு வெப்பம் பதிவான இடங்கள் அனைத்தும் வரைபடத்தில் ஒரு கற்பசைன் கோட்டினால் இணைக்கப்படுகின்றன. இக்கோட்டினை "வெப்பக்கோடு" என்பர்.

புவியின் நிலநடுக்கோட்டுப்பகுதியில் வெப்பநிலை அதிகமாகவும், துருவப்பகுதியை நோக்கிச் செல்லும்போது உறைநிலைக்குக் குறைவாகவும் குறைந்து காணப்படுகிறது. இதற்கு இரண்டு முக்கிய காரணங்கள் உள்ளன. அவை
a. சூரியக்கதிர்கள் புவி மேற்பரப்பின் மீது விழும் கோணம்
b. சூரியக்கதிர்கள் புவி மேற்பரப்பின் மீது விழும் கால அளவு.
 

a. சூரியக்கதிர்கள் புவி மேற்பரப்பின் மீது விழும் கோணம்
•    புவி கோளவடிவில் இருப்பதால் சூரியக்கதிர்கள் புவியின் எல்லாப் பகுதிகளிலும் ஒரே கோணத்தில் விழுவதில்லை. சூரிய ஒளிக்கதிர்களின் கோணம் பூமத்தியரேகைப் பகுதிகளில செங்குத்தாகவும், துருவப்பகுதியை நோக்கிச் செல்லச் செல்ல சாய்ந்து கொண்டும் செல்கின்றது.
•    சூரியனின் செங்குத்துக் கதிர்கள் புவியின் மிகக்குறைந்த பகுதியையே வெப்பபடுத்துவதால், அப்பகுதிகள் அதிக அளவு வெப்பமடைகின்றன. சூரியனின் சாய்வான கதிர்கள் மிக அதிகமான பகுதியை வெப்பப்படுத்துவதால் அப்பகுதிகள் குறைந்த வெப்பத்தை பெறுகின்றன.
 

b. சூரியக்கதிர்கள் புவி மேற்பரப்பில் விழும் காலஅளவு
•    புவியின் மேற்பரப்பில் சூரிய ஓளிக்கதிர்கள் விழும் நேரத்தை, "பகல் நேரம்" என்கின்றோம். பகல் நேரம் அதிகமாக இருக்கும்பொழுது, அப்பகுதிக்கு அதிக வெப்பம் கிடைக்கின்றது. பகல் நேரம் குறைவாக இருக்கும்பொழுது குறைவான வெப்பமே கிடைக்கின்றது.
•    பூமத்தியரேகைப் பகுதியில் ஆண்டு முழுவதும் பகல்நேரம் 12 மணி நேரமாக உள்ளதால் ஆண்டு முழுவதும் அதிக வெப்பம் நிலவுகின்றது. இதனால் ஆண்டு சராசரி வெப்பமும், தினசரி வெப்பநிலை வேறுபாடும் குறைவாக இருக்கும்.