காலநிலையியல் (Climatology) - புவியின் வெப்ப மண்டலங்கள் பகுதி 1

புவியின் வெப்ப மண்டலங்கள் பகுதி 1

•    ஓரிடத்தில் வெப்பநிலை, சூரிய ஒளிக்கதிர்விழும் கோணம், பகல் மற்றும் இரவு நேர கால அளவுகளைப் பொறுத்து அமைகின்றனது என்று பார்த்தோம். இந்த இரண்டு காரணிகளும் பூமத்தியரேகைப் பகுதியிலிருந்து துருவப் பகுதியை நோக்கிச் செல்லச் செல்ல வெப்பநிலையும் மாறுபடுகின்றது. 

இந்த வெப்ப வேறுபாடுகளின் அடிப்படையில் புவியை நான்கு வெப்ப மண்டலங்களாகப் பிரிக்கலாம்.

1. பூமத்திய ரேகை மண்டலம்
•    பூமத்திய ரேகை மண்டலம் 5° வட மற்றும் தென் அட்சங்களுக்கிடையில் அமைந்துள்ளது. இப்பகுதியில் சூரிய ஒளிர்க்கதிர்கள் ஆண்டு முழுவதும் செங்குத்தாக விழுகின்றன.

•    எனவே வெப்பம் இங்கு ஆண்டு முழுவதும் அதிக வெப்பம் நிலவுகின்றன.

2. வெப்ப மண்டலம்
•    வெப்ப மண்டலம் வட, தென் அரைக்கோளங்களில் 5° அட்சம் முதல் 30° அட்சம் வரையிலும் பரவியுள்ளது. இப்பகுதியில் கோடைக்காலத்தில் சூரியனின் ஒளிக்கதரிகள் செங்குத்தாக விழுவதால் அதிக வெப்பம் நிலவுகின்றது. 

•    மற்ற காலத்தில் சாய்வாக விழுவதால் கோடைக்கால வெப்பத்தைவிட சற்று குறைந்து காணப்படுகிறது. எனவே குளிர்காலத்தில் மித வெப்பம் நிலவுகின்றது.

3. மித வெப்ப மண்டலம்
•    மித வெப்ப மண்டலம் வட, தென் அரைக்கோளங்களில் 30° அட்சம் முதல் 60° அட்சம் வரையிலும் பரவியுள்ளது. கோடைக்காலத்தில் மிதவெப்பமும், குளிர்காலத்தில் மிகக்குளிர்ச்சியும் இங்கு நிலவுகின்றது.  

•    ஆண்டு முழுவதும் மித வெப்பம் இங்கு நிலவுவதால் இப்பகுதி மித வெப்பமண்டலம் என அழைக்கப்படுகின்றது.
 

4. துருவ மண்டலம்
•    துருவ மண்டலம் வட, தென் அரைக்கோளங்களில் 60° அட்சம் முதல் 90° அட்சம் வரையிலும் பரவியுள்ளது. இம்மண்டலம் துருவங்களைச் சுற்றி அமைந்துள்ளதால் துருவ மண்டலம் என அழைக்கப்படுகின்றது. 

•    ஒளிக்கதிர்களிடமிருந்து வரும் வெப்பத்தின் அளவு இப்பகுதியில் மிகக் குறைவாக உள்ளதால், இங்கு ஆண்டு முழுவதும் வெப்பம் உறைபனி நிலைக்கு (0°) உயர்வதில்லை. எனவே இம்மண்டலம் பனிபடர்ந்து காணப்படுகிறது.