காலநிலையியல் (Climatology) - காற்றழுத்தம்

காற்றழுத்தம்

•    புவியைச் சுற்றியுள்ள காற்றின் எடை முழுவதும் புவியின் மேற்பரப்பை அழுத்திக் கொண்டிருக்கிறது இது காற்றழுத்தம் எனப்படும்.
•    காற்றின் அழுத்தம் காற்றழுத்தமானி என்ற கருவியால் அளக்கப்படுகின்றது. காற்றழுத்தம் மில்லிபார் என்ற அலகின் மூலம் குறிக்கப்படுகின்றது.
•    கடல் மட்டத்தில் காற்றின் அழுத்தத்தின் அளவு சராசரியாக 1013 மில்லி பார்களாக உள்ளது. சம அழுத்தக்கோடுகள் என்பது, பூமியின் மீது சமமான காற்று அழுத்தமுள்ள பல்வேறு இடங்களை இணைக்கும கற்பனைக் கோடுகளாகும்.

காற்றழுத்த மண்டலங்கள்:
•    புவியின் மேற்பரப்பை ஒட்டியுள்ள வளிமண்டலத்தில் காணப்படும் காற்றழுத்த வேறுபாடுகளைக் கொண்டு புவியை 4 பெரும் காற்றழுத்த மண்டலங்களாகப் பிரிக்கலாம் அவையாவன:
1. பூமத்தியரேகை குறைந்த அழுத்த மண்டலம்
2. துணை வெப்ப அதிக அழுத்த மண்டலம்
3. துணை துருவ குறைந்த அழுத்த மண்டலம்
4. துருவ அதிக அழுத்த மண்டலம்
 

1. பூமத்தியரேகை குறைந்த அழுத்த மண்டலம்
•    பூமத்தியரேகை குறைவழுத்த மண்டலம் 0° முதல் 5° வட மற்றும் தென்அட்சம் வரை பரவியுள்ளது.
•    இப்பகுதியில் ஆண்டு முழுவதும் சூரியனுடைய ஒளிக்கதிர்கள் செங்குத்தாகவே விழுகின்றன.
•    செங்குத்து கதிர்கள் சாய்வான கதிர்களைவிட அதிக வெப்பத்தை அளிக்கும் இதனால் பூமத்தியரேகைப் பகுதி அதிக வெப்பமாக உள்ளது. எனவே பூமத்தியரேகைப் பகுதியில் உள்ள காற்றும் அதிக வெப்பமடைந்து விரிவடைகிறது. எனவே அடர்த்தி குறைந்து அழுத்தம் ஏற்படுகின்றது.
•    இது அமைதி மண்டலம் என அழைக்கப்படுகிறது.

2. துணை வெப்ப அதிக அழுத்த மண்டலம்
•    துணை வெப்ப அதிக அழுத்த மண்டலம் புவியின் வட மற்றும் தென் அரைக்கோளங்களில் 33° அட்சத்திலிருந்து 35° அட்சம் வரை காணப்படுகிறது. பூமத்தியரேகைப் பகுதியில் அதிக வெப்பத்தால் காற்று விரிவடைந்து, இலேசாகி உயரே செல்கிறது.
•    இவ்வாறாக மேலெழும்பும் காற்று, பூமத்தியரேகையின் வடபுறம் வடக்காகவும், தென்புறம் தெற்காகவும் புவியின் சுழற்சி காரணமாகத் திசை திருப்பப்பட்டு வீசுகிறது. இக்காற்று உயர்வான பகுதிகளை அடைந்தவுடன் குளிர்வடைந்து, சுருங்கி 30° வட மற்றும் தென் அட்சங்களில் கீழிறங்குகிறது.
•    எனவே இப்பகுதிகளில் காற்றின் அடர்த்தி அதிகரிப்பதால் அதிக அழுத்தம் ஏற்படுகின்றது.

3. துணை துருவ குறைந்த அழுத்த மண்டலம்
•    துணை துருவ குறைந்த அழுத்த மண்டலம் வட மற்றும் தென் அரைக்கோளத்தில் 60° முதல் 65° வரை அமைந்துள்ளது. துணை வெப்ப மண்டலத்திலிருந்தும் துருவ மண்டலத்திலிருந்தும் வீசும் காற்றுகள் இந்த மண்டலத்தில் மோதி மேலெழுவதால் இங்கு குறைந்த அழுத்தம் நிலவுகிறது.

4. துருவ அதிக அழுத்த மண்டலம்
•    துருவ அழுத்த மண்டலம் காணப்படுவதால், வட மற்றும் தென் துருவங்களில் அதிக அழுத்தம் ஏற்படுகின்றது.
•    இரு இடங்களில் அழுத்தங்களுக்கிடையே உள்ள வேறுபாடே சரிவு எனப்படும். ஒரு குறிப்பிட்ட தூரத்தில் உள்ள இரு இடங்களின் காற்றழுத்தங்களுக்கு இடையே அதிக அளவு வேறுபாடு காணப்பட்டால், அழுத்தச் சரிவு அதிகமாக இருக்கும். குறைவாக இருந்தால் அழுத்தச் சரிவு குறைவாக இருக்கும்.•    காற்றும் அதிக அழுத்தப் பகுதியில் இருந்தால் குறைந்த அழுத்தப் பகுதிக்கு வீசுகின்றது. அழுத்தச் சரிவு அதிகமாக இருந்தால் காற்றின் வேகமும் அதிகமாக இருக்கும். அழுத்தச் சரிவு குறைவாக இருப்பின் காற்றின் வேகமும் குறைவாக இருக்கும்.