வள ஆதாரங்கள் (Resources) - வள ஆதாரங்களும் பொருளாதார நடவடிக்கைகளும்

வள ஆதாரங்களும் பொருளாதார நடவடிக்கைகளும்

தொழில்களை – பரிணாம வளர்ச்சியின் அடிப்படையில் பின்வருமாறு பிரிக்கபடுகிறது.
a. முதல் நிலைத் தொழில்கள்
b. இரண்டாம் நிலைத் தொழில்கள்
c. மூன்றாம் நிலைத் தொழில்கள்
d. நான்காம் நிலைத் தொழில்கள்
e. ஐந்தாம் நிலைத் தொழில்கள்

a. முதல் நிலைத் தொழில்கள்
•    இம்முதல்நிலைத் தொழில்களில் மனிதர்கள் இயற்கை வள ஆதாரங்களோடு நேரிடையாக இணைந்து இவற்றை செயல்படுகின்றனர். இவற்றை பழமையான தொழில் நடவடிக்கை எனலாம்.
•    உணவு சேகரித்தல், விலங்குகளை வேட்டையாடுதல், கால்நடைகளை மேய்த்தல், கனிமங்களை வெட்டியெடுத்தல், மீன்பிடித்தல், மரம்வெட்டுதல், வேளாண்மை இவையானைத்தும் முதல்நிலைத் தொழில்கள் என்று அழைக்கப்படுகிறது.
•    இத்தொழில்களில் ஈடுபடுபவர்களை "சிவப்பு கழுத்துப்பட்டை பணியாளர்கள்" (Red collar Workers) என்று அழைக்கப்படுகின்றோம்.

b. இரண்டாம் நிலைத் தொழில்கள்
•    மனிதர்கள் மூலப்பொருட்களை உற்பத்தி முறைகளுக்கு உட்படுத்தி அவற்றை முடிவுற்ற பொருளாக மாற்றுவதன் மூலம் மூலப்பொருள்களின் பயன்பாட்டினையும், மதிப்பினையும் பெருக்குகின்றனர்.
•    கரும்பிலிருந்து தயாரிக்கப்படும் சர்க்கரை, இரும்பு தாதுவிலிருந்து கிடைக்கும் இரும்பு, எஃகு போன்றவை இவற்றுக்கு எடுத்துக்காட்டுகளாகும்.
•    இந்த உற்பத்தி செயல்கள் இரண்டாம் நிலைத் தொழில்கள் என்று அழைக்கப்படுகிறது.
•    இரண்டாம் நிலைத் தொழில்புரியும் பணியாள்கள் ‘நீல கழுத்துப்பட்டை பணியாளர்கள்’ (Blue Collar Workers) என அழைக்கப்படுகின்றனர்.

c. மூன்றாம் நிலைத் தொழில்கள்
•    இரண்டாம்நிலைத் தொழில்களின் வளர்ச்சியை மேம்படுததும் வணிகம், போக்குவரத்து மற்றும் தகவல்தொடர்பு சேவைகளை மூன்றாம் நிலைத் தொழில்கள் என அழைக்கப்படுகின்றன.
•    தொழில் நுட்பத்தில் சிறப்பு மிக்க தொழில் நுட்ப பணியாளர்களும், வங்கிப் பணியாளர்களும் மூன்றாம் நிலைத் தொழில்களில் ஈடுபடுத்தப்படுகின்றனர்.
•    மூன்றாம் நிலைத் தொழில்களில் பணிபுரிவோரை ‘வெளிர்சிவப்பு கழுத்துப்பட்டை பணியாளர்கள்’ (Pink Collar Workers) என்று அழைக்கிறோம்.

d. நான்காம் நிலைத் தொழில்கள்
•    கல்வித்துறை, மருத்துவம், பொழுதுபோக்கு, கேளிக்கைகள், நிர்வாகம், ஆராய்ச்சி மற்றும் வளர்ச்சி ஆகிய தனித்தன்மை கொண்ட சூழல்களில் சேவை புரிவோர் நான்காம்நிலைத் தொழில்களில் அடங்குவர்.
•    இத்துறையில் பணிபுரியும் பணியாளர்கள் "வெள்ளை கழுத்துப்பட்டை பணியாளர்கள்" (White Collar Workers) என்றழைக்கப்படுவர். இத்தொழில்கள் பொதுவாக நகரங்களில் அதிகமாக காணப்படும்.

e. ஐந்தாம் நிலைத் தொழில்கள்
•    ஆலோசனை வழங்குவோர் மற்றும் திட்டம் வகுப்போர் போன்ற உயர்நிலையில் உள்ளோர் இவ்வகைத் தொழிலில் அடங்குவர். அரசு மற்றும் தனியார் துறைகளில் உள்ள தீர்மானிக்கும் திறன் கொண்ட அறிவுரை வழங்குவோரும் சட்டபூர்வமான அதிகாரிகளும் ஐந்தாம் நிலைத்தொழிகளில் அடங்குவர்.
•    இவர்கள் "தங்க கழுத்துப்பட்டை பணியாளர்கள்" (Gold Collar Wokers) என அழைக்கப்படுவர். இந்நிலைத் தொழிலாளர்கள் பெருநகரங்களிலேயே அதிகமாகக் காணப்படுகின்றனர்.
•    வளர்ந்து வரும் நாடுகளில் முதல்நிலை மற்றும் இரண்டாம் நிலைத் தொழில்களிலும், வளர்ச்சியடைந்த நாடுகளில் மூன்று, நான்கு மற்றும் ஐந்தாம் நிலைத் தொழில்களிலும் மக்கள் அதிகமாக ஈடுபட்டுள்ளனர்.